الکابوس #الكاتبة_آية_الياباني

قمت من النوم مفزوعه ساعتها مكنتش عارفه انا لسه في الکابوس ولا انا قمت خلاص
مش هتتخيلوا حصلي ايه ولا ايه اللي انا شفته في الکابوس دة وهل انا كنت نايمه اصلا ولا دة كان مجرد كابوس وخلاص بس اللي فهمته بعد كدة خلاني اكتشف انها كانت علامه من ربنا لحاجة كبيرة اوي كان لازم اعرفها ...
من لما كنت في اعدادي وانا بدأت احلم بكوابيس تقريبا ٥ مرات في الاسبوع كانت كوابيس مش مفهومه اوي بس اللي كنت بحسه اني صاحيه مش نايمه وكأن في زلزال في الاوضه اللي انا فيها بس مش عارفه اتحرك ولا اتقلب 
لدرجه ان مره صحيت لاقيت نفسي مش عارفه اتحرك ولا يمين ولا شمال وعيني مفتحه وعايزة اقوم من علي السرير كنت نايمه علي جنبي اليمين وكنت حاسه ان في حد واقف ناحيه ضهري وكان واقف بيتكلم كلام غريب معرفتش افهمه حتي وفضلت اقرأ قرآن في سري لان شفايفي كانت متمسمره وكل جسمي حتي مش قادرة احرك صبعي 

وفجأة لاقيت نفسي صحيت استغربت جدا وقتها 
ازاي
انا اصلا كنت صاحيه صحيت تاني ازاي  
هو دة كابوس. بس معقول الإنسان يكون في كابوس بس حاسس انه ف الحقيقه اوي كدة  
وفضلت علي الوضع دة لحد ما كبرت واتخرجت 
طول الفترة بيجيلي كوابيس من النوع دة غريبة جدا لحد في مره ما جالي الکابوس الكبير اللي من بعدها عرفت فيه ايه اللي بيحصلي .......
كنت نايمه في اوضه وكانت الاوضه فيها سريرين وكنت عاطيه ضهري للسرير الفاضي وكنت خلاص في بدايه اني بفوق من النوم وهبدأ استوعب الدنيا مره واحدة لاقيت نفسي فتحت عيني وكالعادة متمسمره يعني مش قادرة اتحرك وخاېفه جدا وعايزة اقوم مش عارفه وانا نايمه دايما بغطي وشي فكنت عايزة اشيل من علي وشي الغطا حتي مش عارفه وانا كنت متأكدة اني صاحيه زي ما انت حاليا متأكد انك صاحي وبتقري القصه كدة بالظبط 
وعايزة احرك ايدي ومش عارفه فجأة الاقيت نفسي كنت بحلم وصحيت وقولت الحمدلله دة كان كابوس زي كل مره وفعلا المرادي حركت ايدي بتقل وببطئ شديد وشيلت الغطا من علي وشي بس لما جيت اتقلب ناحيه السرير الفاضي معرفتش !!!!!
فجأة لاقيت نفسي صحيت تاني قولت وبعدين يعني انا بحلم اني بحلم اني في كابوس 
المهم المرادي صحيت وشيلت الغطا من علي وشي ولفيت ناحيه السرير وقمت بس اول ما قمت من علي السرير بدأت اتحرك لا إراديا واتجهت ناحيه مرايه طويلة عند الدولاب وفضلت باصه علي نفسي في المرايه كتير لحد ما جت صاحبه ممتي اللي معرفش اصلا انها كانت عندنا جاتلي وحطت ايديها علي كتفي وقالتلي مالك يا بنتي انتي كويسه وشك مخضوض كدة ليه اجبلك كوباية