انا راجل
السلام عليكم
انا عريس جديد من شهرين و زوجتي بتشتغل في شركة كبيره من فترة طويله ولما كنت خاطب من سنتين وخطبتي بتشتغل ومن البدايه قالتلي انها نص مرتبها لاهلها والباقي لمصاريفها والله حتى مكنتش اعرف هي قبضها كام غير في الاخر كده حصل موقف واخدت الفيزا بتاعتها عشان
كانت محتاجه تجيب حاجه للجهاز وقالتلي شوف المرتب نزل ولا لسه ولقيت فيها رصيد كذا قولتها الرصيد دلوقتي كذا قالتلي يبقى المرتب نزل ومن هنا عرفت هي بتقبض كام
وهي لما كنا مخطوبين قالتلي لو البيت محتاج حاجه اكيد هشارك لو انت محتاج قبقولها احنا خلاص اتجوزنا ولازم نشارك بعض في كل شيء وانتي مرتبك يشيل مصاريف والتزمات البيت ويزيد منه كتير وسيبني انا شوية اسدد ديون الجواز قالتلي انا قولتك اني بساعد اهلي لانهم تعبوا معايا في حياتي ودراستي وهما السبب في اللي انا وصلتله دلوقتي وانا قايله ليك كده من يوم ما اتخطبنا ولقيتها صوتها عالي قولتها انتي بتقولي ايه العيشه صعبه دلوقتي غير من سنتين وطالما انتي في بيتي يبقى تنسي الكلام القديم ده يعني انتي تشتغلي وتاخدي من وقتي ومن وقت البيت وفي الاخر تدي الفلوس لاهلك ؟ ده اي منطق في الدنيا بيقول كده انتي المفروض تديني الفيزا معايا ولما تحتاجي حاجه تقوليلي وانا الرجل والمسؤل عن كل حاجه
وايه استفادة الرجل من شغل مراته طالما مش هتحط مرتبها في البيت؟ ياريت حد يفهمني لأن الموضوع وصل لمرحله خطړ وبتةهدد الحياة بنا لو استمرت على اللي في دماغها لانها مستحيل تسيب الشغل لانها دكتوره صيدله وبتشغل في شركة ادويه ومرتبها اكبر من مرتبي
