رواية الساحرة كامله جميع الفصول بقلم ميرفت السيد
انجلترا لوالدتي عشان اكون باستقبالكم
خلاص بإذن الله هاظبط شغلي وعالاسبوع الجاي مناسب
اتفقنا بس بما إني اخر ليلة ليا بالقاهرة تسمحي نتعشى سوا اعتبريه عشاء عمل وبداية صداقة مابيننا
مافيش مانع
الساعة ٧ كويس
اوك
مع السلامة واتشرفت بمعرفتك
الله يسلمك الشرف ليا
ومشي يلهوووووي ايه ده ياناس
امنية وصلته ورجعت قاطعت افكاري عاوزة مكافئتها
ايه رأيك في فارس
من ناحية ايه
انا ماشفتعوش كتير لانه طول عمره عايش برة بس هو موز اوي
اتلمي وروحي خدي الفلوس
ماشي ياستي ماتاخديني معاكي بالشنطة اتعشا معاكم
افضلي كدة ارغي لحد ماهالغي مكافئتك
جريت بسرعة اتخلصت منها
قلت لأمي على الي حصل مش باخبي عنها شيء واشتريتلها هدية
مامالما شافتني فضلت تكبر كانت عاوزة تبخرني
بعتلي عالواتس عاوز ييجي ياخدني وبعتله شير لوكيشن بعنواني وفي الميعاد كان هنا
انطلقنا لمطعم الفندق الي هو مقيم فيه
شربنا عصير الاول وطلبنا العشا
فضل يحكيلي عن نفسه
بدأ من الصفر وعمل ثروة كبيرة وعنده شركة سياحة كبيرة
وهو وحيد والديه وهو الي قرر يفتح قرية هنا في دهب لانه ميال لأصوله
المصرية والده كان بيجيبه كل سنة يزور قرايبه وعاجبه جو الألفة المصري وحابب يستقر هنا ويزور والديه باستمرار
قاطعه وصول العشاء قالي صدعتك انا اسف
مش هتكلميني عنك
صدقني مفيش حاجة تتقال مهمة
يهمني اعرفك قصدي كشريكة معايا وكصديقة طبعا
حكيتله عن نفسي وقولتله شوفت بقى مفيش حاجة مهمة ازاي
المهم انك شخصية مٹيرة للاهتمام جدا حتى ملامحك مختلفة جمالك مميز
ودي حاجة وحشة ولا حلوة
لا اختلاف حلو طبعا انا اسف لجراءتي
ابتسمت وصلني لحد البيت وودعته قالي اوعديني انك هاتزوري القرية
وانا هاستناكي
سلام
سلام
طلعت كنت مبسوطة بس حاسة بشيء مريب ورا الشخص دة
عدا الاسبوع وانا باحضر نفسي انا وأمنية للسفر
لحد ماجه يوم السفر ودعت امي واخواتي وانطلقت
انا وأمنية بعربيتي بطريقنا للرحلة
الي هاتكون رحلة غير عادية
الفصل الخامس
بقلم ميرفت السيد
وانطلقنا في الرحله لحد ذهب وقبل ما نوصل وقفت عند كافيه ناخد ريست
غمضت عينيا وركزت وحسيت ان في صورة بتتكون في دماغي
وفجاه الصورة ظهرت قدامي زي ما تكون شريط فيديو وشفت حاډثه قبل مدخل القريه
عربيتين دخلوا في بعض واحدة سايقة وبتتكلم في التليفون وهي بتتكلم
في التليفون حطت ايديها جوه شنطتها وسرحت انحرفت عربيتها ودخلت في عربيه نصف نقل وحالتها بقت صعبه قوي
ما قدرتش اكمل بعد كده ايه اللي حصل فتحت عيني بسرعه و نفسي مش قادره اخذه وقلبي بيدق بسرعه قوي
واكني كنت هناك لحد ماقعدت افكر شويه طب يا رب انا اعمل ايه لأول مره حاجه زي دي تحصلي طب الموضوع ده حصل فعلا ولا لسه هيحصل استغفر الله العظيم قعدت مش عارفه اعمل ايه
ده احساس اول مره يحصل لي ومش عارفه اتصرف معاه ازاي وانا اعمل ايه حاولت اخذ نفسي شربت مية
كانت امنيه جاءت قالت لي مالك وشك اصفر ليه كده قلت لها لا ما فيش حاجه هعمل تليفون وارجعلك
قمت مسكت التليفون وقلت اكلم ماما الوحيدة اللي انا اقدر احكي لها اللي انا فيه
ماما حبيبتي طمنيني عليكي
قلت لها كله تمام انتي عاملة ايه
قالت لي الحمد لله يا ريتك ركبتي الاتوبيس عشان اطمئن
قلت لها لا انت عارفه ان انا طول عمري باحب السواقه والسفر
قالت لي طيب طمنيني انتي كويسه وكله تمام كله تمام و زي الفل واحنا اهو في كافيه بناكل وبنشرب مافيش اي حاجه بس انا عايزه اخذ رايك في حاجه
قالت لي ايه يا حبيبتي
قلت لها دلوقتي انا شفت رؤيه كده ان واحده هتعمل حاډثه فانا مش عارفه اتصرف ازاي دي حاجه حصلت ولا هتحصل ولا اعمل ايه بالضبط
قالت لي بصي يا حبيبتي انا قلت لك ان طالما انت بقيتي على علم بالهبة الي عندك وبطلتي تستخدميها في الأڈى
هتلاقي الشفافيه اللي عندك بتزيد اهم حاجه اقدار ربنا مابنتدخلش ولامخلوق
