شبح الليل الحزين رشا منصور

ممدوح.... هو حضرتك مش هتشوف الچثه 
المأمور....
مش شايف حاجه أنا واثق في تقريرك ويلا قبل ما اهل البلد يهدوا المستشفى علينا أنا ماشي يلا يا عصام يابني لما اعدى ع ابوك اشوفه بالمره
دكتور ممدوح.... 
كنت مستغرب أوى من تصروفات المأمور ولا إبن العمدة اللى كان واقف ورفعلي حاجبه كأنه مش عجبه الكلام بس مش مهم أنا اتصرفت قانونى 
وكتبت التقرير وتصريح ډفن المټوفي وخرجت للناس وقولت لهم يا جماعه أنا عملت المطلوب مني متردوش ليا أى اذاء. ودلوقتي يلا بينا علشان نصلي عليه وروحنا المسجد وصلينا وروحت معاهم المقاپر وكنت عمال ابص ع الشاب بتاع الترعه وفي وسط كل ده لقيت محمد الممرض واقف جمبي قولت له ايه اللى جابك هنا أنت تعرفه قالي طبعا أنا عارف كل الناس هنا 
دكتور ممدوح..... اة صح تعرف واحد اسمه حسن
محمد الممرض ...
مافيش غير عم حسن اللى فاتح قهوة ع أول البلد
دكتور ممدوح.... 
لأ لأ ده شاب صغير حوالى ستاشر أو سبعتاشر سنه واسمه حسن بن عتمان
محمد الممرض....
انت بتقول مين حسن بن عتمان أنت تعرفه منين ولا مين قالك عليه بقلم رشا منصور
دكتور ممدوح..... 
مالك في ايه هو الاسم يخض أوى كدا
محمد الممرض....
لا بس حسن ده كان صاحبي ومرة واحدة اختفي ومحدش يعرف عنه حاجه من حوالى عشر سنين 
دكتور ممدوح....
مختفي من عشر سنين واهله فين معقوله محدش دور عليه 
محمد الممرض.... يلا يا دكتور الوقت بيعدى ولحد دلوقتي أنت مشوفتش الكشوفات
دكتور ممدوح.....
حسيت أن الموضوع كبير وفى لغز ولازم اعرفه علشان كده قررت اسهر ل بالليل واروح ل الترعه وانادى ع حسن وافهم بقي هو أنس ولا جن وعلاقاته ايه بالمقاپر 
وفعلا خلصت كشوفات وطلعت الاستراحه واتغديت ونمت ومحستش بنفسي غير فجأة حد بيصحيني قومت لقيت الدنيا ضلمة شغلت كشاف الموبيل وفضلت أقول مين محدش رد قومت شغلت النور وببص في الموبيل لقيت أن المنبه كنت ظبطه غلط بدل 8 بالليل عملته ع 8الصبح ودلوقتي الساعه 11 بالليل والدنيا هاديه بطريقة مرعبه بصيت من الشباك لقيته قاعد مكانه وبيشاورلي أنزل مخبيش عليكم كنت خاېف 
غيرت هدومى ونزلت وروحت وقفت جمبه وقولت السلام عليكم ورحمه الله وبركاته بقلم رشا منصور
حسن...... 
وعليكم السلام ورحمه الله وبركاته يا دكتور ممدوح عرفت أنك سألت عليا ولما جيت لقيتك نايم باعت اللى يصحيك خير يا دكتور
دكتور ممدوح.....
اة سألت عليك محمد الممرض وقال أنك كنت صاحبه هو اللى قالك ولا مين وع فكره أنا محدش صحاني أنا صحيت لوحدى 
حسن...... عاوز تعرف إيه 
دكتور ممدوح......
كنت مستغرب كلمته بس لقيتني بقوله أنت مين وأهلك فين وازاى شكلك ميكملش 17 سنه وأنت مختفي من البلد بقالك عشر سنين وصاحب محمد الممرض يعني المفروض يكون عندك دلوقتي 27 سنه وازاى بتقعد بالليل ع الترعه عادى والناس كلها پتخاف وكمان الغريق اللى طلعوا أنت أنت ... لقيت نفسي مش قادر انطق
حسن...... 
يعني كل اللى محيرك هو عمري بدل 17 المفروض 27 
ولا اللى محيرك إزاى واحد غرق وماټ لكن أنا لا 
تمام أنا هجاوبك يا دكتور بس متأكد أنك عاوز تعرف حتى لو كنت هتدفع الثمن حياااااتك ...
يتبع.....
الكاتبه 
رشا_منصور
الجزء الخامس
شبح_الليل_الحزين
دكتور ممدوح......
كلام حسن خوفني يعني ايه أدفع الثمن حيااااتي 
قولت له أنا مش فاهم يعني أنا علشان اعرف أنت مين أدفع عمري خلاص ياعم أنا مش عاوز اعرف عنك حاجه أنا كنت فاكرك امبارح محتاج مساعده الاقيك انهاردة بتهددنى بحياتي شكرآ وجيت أمشي قالي
حسن...... 
أقعد يا دكتور ممدوح هتروح فين إحنا حواليك في كل مكان اهدي واقعد
دكتور ممدوح...... 
برفع رأسي في اتجاه المقاپر لقيت ظلال سوداء كتير واقفين صف طويل وببص إتجاه باب المستشفى لقيتهم واقفين قدامه وشوفت اللى واقف في شباك الاستراحه بتاعتي ايه ده يكون هو ده اللي كان بيصحيني 
الفكرة نفسها تخوف طب أنا لو جريت هروح فين 
وفى وسط تفكيري لقيت حسن بيقولى
حسن... 
خلصت أنت مافيش مكان هتروح فيه غير أنك تقعد جنبي هنا متخافش أنا هحكيلك كل حاجه ولك الأمان منى ومنهم وابتديت احكيله
بص يا دكتور ممدوح أنا أسمي حسن بن عتمان أبويا كان حلاق يقعد في السوق ويحلق للناس وأوقات كتير مكنش بياخد فلوس كانت الناس تديله أكل وكان كل همه أنه يرجع البيت ومعاه أكل لنا أصل الجوع صعب أوى بالذات ع الغلابه اللى زينا وأنا الكبير ع أخواتي البنات 
وكنت بطلع اشتغل مع ابويا وساعات كنت اشتغل شيال أو اجيب للناس طلباتهم وبردو كنت أوقات اخد اجرتي أكل بدل الفلوس 
أبويا قالي أنى مكسفش حد واللى يديني حاجه حتى لو أقل من حقي اخدها وأحمد ربنا عليها ومكلمش ويعتبر كنت مخلي خدى مداس للناس علشان أقدر اساعد أبويا في مصاريف البيت ونربي اخواتى البنات وكنت مصاحب كل الناس كبير وصغير لحد بقلم رشا منصور ما في يوم كانت أختى بتملئ ميه من