شبح الڤيلا

ملف كنت سايبه جوه في الخزنة وهرجع علطول.
سبته يدخل لوحده من غير ما أتكلم معاه في حاجة ولما لقيته غاب جوه حوالي عشرين دقيقة دخلت وراه كنت بتسحب من غير ما يحس بيا اتحركت في الفيلا ومعرفتش هو فين! ده حتى كمان مكنتش سامعله صوت لحد ما مشيت في الطرقة وروحت عند الأوضة اللي كنت فيها امبارح انا كنت واقف بعيد شوية علشان اعرف هو بيخطط للإيه وفعلا سمعته وهو بيقول
_محروس نفذ اللي بقولك عليه تاخد عربية عزت بيه السودة وتطلع بيها على طريق اسكندرية وتستنانا هناك ومن دلوقتي لحد بالليل هجيب مدحت وخليل ونجيب المرحوم معانا ونجيلك ننفذ هناك باقي الخطة.
قفل المكالمة وخرج من البدروم وانا كمان مشيت بسرعة ورجعت أوضتي في الجنينة لقيت الحج اسماعيل جه وأداني مبلغ كده وقالي
_خد القرشين دول يا صفوت وروح بلدكوا يومين كده اعتبر نفسك في أجازة... ومترجعش إلا لما اتصل بيك.
_تحت أمرك اللي تشوفه يا حج اسماعين.
أخدت الفلوس وجهزت شنطة هدومي وخرجت من الفيلا بس مابعدتش كتير واستنيت لما شوفت الحج اسماعين بيجيب طلبات من السوبر ماركت واتسحبت ودخلت الفيلا واستخبيت جوه... وهناك لما رجع الحج اسماعيل مسك موبايله وعمل مكالمة تلفونية مع واحدة ست ومحتوى المكالمة دي تحديدا لما قال
_بالكتير على أخر الشهر هنقدر نستخرج اعلام الوراثة ومحدش هيورثه غيرك انتي وبناتك ومن غير ما تسألي إزاي ! علشان انا مظبط كل حاجة واقفلي دلوقتي يا ناهد انا مش فاضي لرغيك ده.
ناهد!! افتكرت الأسم ده ده الأسم اللي سمعته قبل كده وانا فوق يبقى ناهد دي هيا مرات عزت بيه اخت الحج اسماعين بس ده بيتكلم عن اعلام وراثة هو عزت بيه ماټ ولا إية!
الحج اسماعين ۏلع سېجارة وقعد في الفيلا لحد ما دخل علينا الليل والدنيا ضلمت لقيته مسك المفاتيح ودخل الفيلا من الباب اللي ورا.. وبعد حوالي ساعة أو ساعة إلا ربع كده خرج من الباب الرئيسي للفيلا خرج وهو بيدحرج على السلم وباين على ملامح وشه الخۏف والړعب