شبح الڤيلا
كنت نايم بالكلسون كده مافضلش قدامي غير إن انا هنط من الشباك وأخل للأوضة تاني وانا بحاول أنط فيه إيد مسكتني من رجلي وبتشدني كأنها بتمنعني من دخول الأوضة جتتي اتلبشت.. وانا بقيت متعلق فوق في الشباك ومش عارف أشوف إيه اللي بيسحبني استجمعت كل قوتي ورميت نفسي لجوة الأوضة وقعت على الأرض وانا بتنهد ومش عارف أخد نفسي بصيت من الشباك وملقتش حاجة في الجنينة أومال إيه اللي كان بيسحبني.. اخدت المفاتيح من جيب الجلابية وخرجت من الأوضة ولفيت في الجنينة بكشاف الموبايل وقتها في اللحظة دي نور الفيلا كله فضل 3 مرات ينور ويطفي.. انا معرفش إزاي ده حصل أنا متأكد إن مفيش حد جوه الفيلا وعلشان كده كل اللي عملته إن انا قعدت على عتبة الأوضة بتاعتي لحد ما النهار طلع وطول الليل كنت بسمع أصوات ملهاش تفسير ولا مصدر وده اللي حصلي أول ليلة ليه هنا... والصبح بعد ما فطرت جه عوض ابن عمي وقعد معايا نشرب شاي وبدأ يحكيلي عن عزت بيه والفيلا وقالي
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
_ايه الي انت بتقوله ده يا عوض انت ماقولتليش ليه من الأول إنها فيلا مسكونة ولا جاي تقولي دلوقتي بعد ما جبتني من الصعيد لحد هنا.
_لا ما هو انت مفهمتش اللي انا أقصده وبعدين ما عفريت إلا بني آدم... كفاية المرتب اللي أدهولك الحج اسماعيل وابقى حط مصحف تحت المخدة وخلاص كده.
_والله انا مبقتش هطمنلك في حاجة تاني بعد كده.
قعدنا مع بعض شوية انا وعوض وبعدها سابني ومشي وانا رجعت أكمل تنضيف الجنينة وقعدت أرش الشجر ماية وكان فيها شجر رمان وفاكهة وتحت شجرة الرمان لاحظت إن الأرض مرتفعة شوية هي بس محتاجة تتجرف وتتزرع أي حاجة روحت جبت الفاس اللي لقيته في أوضتي
